ჩვენი საქართველოს მასწავლებლის თინათინ ბუსკივაძის ორგანიზებით v კლასის მოსწავლეებმა მოამზადეს პროექტი “ქართლის ღირსშესანიშნაობები” პროექტის ფარგლებში, მოსწავლეები გაეცნენ ქართლის კულტურის ძეგლებს, მოიძიეს ინფორმაცია ტაძრების და ციხეების შესახებ, ისაუბრეს რა მნიშვნელობა აქვს თითოეულ კულტურის ძეგლს ქართლისთვის და ასევე ქვეყნისთვის, იმსჯელეს რატომ სახლდებოდნენ ქართლში სხვა ეროვნების ადამიანები (მაგ. ასურელი მამები)
პროექტი “ქართლის ღირსშესანიშნაობები"
"წერილი სიტყვის კაცს"
მე-2 კლასის მოსწავლეებმა ქართული ენის გაკვეთილზე იმუშავეს კომპლექსურ დავალებაზე:"წერილი სიტყვის კაცს". წერილის სტრუქტურის( 1.მისალმება, 2.ძირითადი ნაწილი, 3.დამშვიდობება) გამოყენებით, მოსწავლეებმა მისწერეს წერილი სიტყვის კაცს, უცნაურ ადამიანს, რომელსაც ყველა კითხვაზე აქვს პასუხი თავის "ზღაპრულ სკივრში". წერილში მოსწავლეებმა დასვეს შეკითხვები მათთვის საინტერესო თემებზე, გამოიყენეს შესაბამისი სასვენი ნიშნები. შედეგად, მოსწავლეებს განუვითარდათ მსჯელობის, წარმოსახვის, ნააზრევის ჩაწერისა და პრეზენტაციის უნარები.
მასწავლებელი- ნანა სტეფნაძე
8
VII კლასის გეომეტრია სქემებში და ამოცანებში
წელს, მათემატიკის მასწავლებლის, ბატონ თამაზ ობგაძის, ავტორობით გამოქვეყნდა სამუშაო რვეული "VII კლასის გეომეტრია სქემებში და ამოცანებში", რომლის თანაავტორებიც ჩვენი სკოლის, მე-7 კლასის ორი არაჩვეულებრივი მოსწავლეა : თორნიკე ახვლედიანი და მანანა გიორბელიძე.
ფოტო გალერეა
ახალი გალერეა ფოტო-ალბომი დაემატა ფოტო ალბომში
35
სწავლა თამაშით
ჩვენი სკოლის, მათემატიკის მასწავლებელმა მარიამ აბაიშვილმა მე-5 კლასში გამოიყენა სწავლების მეთოდი, სწავლა თამაშით, თემაზე „საკოორდინატო ბადე, ორიენტირება“. ბავშვებმა ჭადრაკის სადემონსტრაციო დაფით და თავიანთი შექმნილი რესურსებით შეძლეს საკოორდინატო ბადეზე ორიენტირება: ადგილმდებარეობის კოორდინატებით გამოხატვა და პირიქით კოორდინატებით ადგილმდებარეობის განსაზღვრა. გაკვეთილი, რომ საინტერესო და სახალისო ყოფილიყო მასწავლებელმა გამოიყენა თამაში „გემობანა“, მასში თითოეულმა ბავშვმა წყვილ-წყვილად მიიღო მონაწილეობა.
ყველა მოსწავლემ გაიაზრა საკოორდინატო ბადე, რაც შემდეგ კლასებში გაუადვილებთ მართკუთხა კორდინატთა სისტემის შესწავლას.
12
პროექტი „ბაგრატიონთა საგვარეულო ისტორია“
ისტორიის მასწავლებელ ეთერ მიქაძის ორგანიზებით განხორციელდა პროექტი „ბაგრატიონთა საგვარეულო ისტორია“.
პროექტის ფარგლებში, მოსწავლეები გაეცნენ მათთვის ცნობილ ბაგრატიონთა გვარის წარმომადგენლებს. მეფეთა ბიოგრაფიას (პოლიტიკურ, კულტურულ, ეკონომიკის სფეროებში) წარმოადგიეს პრეზენტაციები და გამართეს დისკუსია მეფეთა პიროვნულ მახასიათებლებზე. იმსჯელეს კონკრეტული რეფორმის/ ფაქტის მნიშვნელობაზე.
4
კომპლექსური დავალება
ქართული ენისა და ლიტერატურის მასწავლებელმა - აზა ქადარიამ - ჩაატარა კომპლექსური გაკვეთილი თემაზე ,,ეთერი“. მოსწავლეებს დავალებად ჰქონდათ მიცემული ეთერის სკოლის ან სახლის მაკეტის გაკეთება. ასევე დასაწერი ჰქონდათ ესე:,, ჩემი საყვარელი შინაური ცხოველი/ ფრინველი“. მასწავლებლის მიზანი გახლდათ, გაეღვივებინა მოსწავლეთა ფანტაზია თუ შემოქმედებითი და წერითი უნარები. ასევე განევითარებინა პრეზენტაციის უნარ-ჩვევები.
ექსკურსია ალექსანდრე ჭავჭავაძის სახლ-მუზეუმში
ქართული ენისა და ლიტერატურის მასწავლებელმა - აზა ქადარიამ - მე-11 კლასში რომანტიკოსთა შემოქმედების შესწავლასთან დაკავშირებით ჩაატარა ექსკურსია წინანდალში. ეს დავალება ამ კლასის პროექტის პირველი ნაწილი გახლავთ. ის ითვალისწინებს ალ. ჭავჭავაძის შემოქმედების ღრმად გააზრებასა და მოსწავლეთა მიერ მე-19 საუკუნის ეპოქის მაჯისცემის შეგრძნებას. ასევე მოსწავლეებმა წარმოადგინეს პრეზენტაცია თემაზე: ,,ქართული რომანტიზმი და მისი წარმოშობის ისტორიული საფუძველი“, რაც, რა თქმა უნდა, მიზნად ისახავდა მოსწავლეთა მიერ რომანტიზმის ეპოქის ღრმად შესწავლა-გააზრებასა და პრეზენტაციის უნარ-ჩვევების შემდგომ განვითარებას.
2
საქართველოს ეროვნული მუზეუმი
ჩვენი სკოლის, XI კლასის მოსწავლეები ეწვივნენ საქართველოს ეროვნულ მუზეუმს, სადაც მოინახულეს ოქროს ფონდი, არქეოლოგიური საგანძური, გაიხსენეს პრეისტორიული პერიოდი და შეაჯერეს ნასწავლი მასალა მუზეუმში ნანახთან.
კლასის ხელმძღვანელი-ანა თოლორდავა
ისტორიის პედაგოგი-ეთერ მიქაძე
7
ბოლო ზარი
12 ა კლასი დამრიგებელთან ეკა ნიკურაძესთან ერთად.❣️❣️❣️
ოქროს და ვერცხლის მედლები
სკოლა ალმასის წარმატებული მოსწავლეები კარატეში და მათი უმაგრესი მწვრთნელი დავით მენაბდიშვილი❣️❣️❣️
ხელოვნების მუზეუმი
სკოლა ალმასის მე -2 ა კლასი და მე-3 ა კლასი დამრიგებლებთან შორენა ხუჭუასთან და ნათია თედიაშვილთან ერთად ესტუმრნენ ხელოვნების მუზეუმს❣️
ციფრული მუზეუმი
სკოლა ალმასის მე-6 ბ კლასი დამრიგებელთან თინათინ ბუსკივაძესთან ერთად ესტუმრა ციფრულ მუზეუმს❣️
სკოლა ალმასის ანსაბლი "ქართული სული""
სკოლა "ალმასის" ანსაბლ "ქართულ სულს" ფოლკლორულ ფესტივალში აქტიური მონაწილეობისთვის მიენიჭა ლაურეატის წოდება❣️
სკოლა ალმასში ორდროშობანაში შეჯიბრი ჩატარადა
სკოლა ალმასში ორდროშობანაში შეჯიბრი ჩატარდა
3
სკოლა ალმასში V-XII კლასებს შორის ფეხბურთში შეჯიბრი ჩატარდა
სკოლა ალმასში V-XII კლასებს შორის ჩატარდა ფეხბურთში შეჯიბრი
5
პირველკლასელთა რეგისტრაცია
შპს სამეცნიერო -საწარმოო ფირმა ,,ალმასი'' 2023-2024 სასწავლო წლისთვის იწყებს პირველკლასელთა მიღებას.
I კლასში ჩაირიცხებიან მოსწავლეები, რომელებსაც 2023 წლის 1 ოქტომბრამდე შეუსრულდათ 6 წელი.
სწავლის გადასახადი სექტემბრიდან ივნისის ჩათვლით არის 1600 ლარი. ყოველთვიურად 160 ლარი. სწავლის საფასურს იხდით ყოველი თვის დასაწყისში.
I კლასში ჩარიცხვისათვის საჭირო საბუთები:
1. ერთი ფოტო (3x4)
2.დაბადების მოწმობის ნოტარიულად დამტკიცებული ასლი
3.ჯანმრთელობის ცნობა
4.მშობლების პირადობის მოწმობის ასლები
5.რეგისტრაციის დროს თან იქონიეთ წინასწარ სწავლის ერთი თვის გადასახადის ქვითარი.( 160 ლარი)
6.განცხადება სკოლის დირექტორის სახელზე.
7.ხელშეკრულება მშობელსა და სკოლას შორის
(6 და 7 იწერება და იდება სკოლაში პირველი 5 -ის წარდგენის შემდეგ)
სკოლაში საბუთების მოტანისას გეცნობებათ სკოლის ანგარიშის ნომერი, რომელზეც ჩარიცხავთ თანხას.
პროექტი,,ცოდნა ლამპარია"
შპს სამეცნიერო საწარმოო ფირმა ალმასის ქართული ენისა და ლიტერატურის მასწავლებელმა ნანა ვაშაკიძემ და მე-7 ა კლასის მოსწავლეებმა 2022 წლის 2 დეკემბერს გააკეთეს პროექტი,,ცოდნა ლამპარია"
ექსპერიმენტორიუმი
ექსპერიმენტორიუმი
1შპს სამეცნიერო-საწარმოო ფირმა ალმასის 6ა ( დამრიგებელი თინათინს ბუსკივაძე ) და 6ბ ( დამრიგებელი მანანა ხმალაძე) კლასი 2022 წლის 2 დეკემბერს ესტუმრა ექსპერიმენტორიუმს.მათ ჩაატარეს ქიმიური ცდები.გაეცვნენ უამრავ სიახლეებს.
ხელნაწერთა ეროვნული ცენტრი
კერძო სკოლა ,,ალმასის'' ქართული ენის და ლიტერატურის პედაგოგი მაკა ბურდიაშვილი და ამავე სკოლის 6 ა კლასი 2022 წლის 27 ოქტომბერს ესტუმრნენ ხელნაწერთა ეროვნულ ცენტრს.იმის გამო ,რომ პროგრამულად ისწავლება ხელნაწერები და მხატვრული ნაწარმოებები ხელნაწერ წიგნებზე, პედაგოგმა გადაწყვიტა,რომ თავად ენახათ ხელნაწერი წიგნები(მულაჟები) და უფრო ვრცლად მოესმინათ მათი შექმნის ისტორიები.დიდი სიხარულით უმასპინძლა ხელნაწერთა ინსტიტუტმა,ეწვივნენ საგამოფენო დარბაზს,სადაც ბავშვებმა დიდი ინტერესით დაათვალიერეს სხვადასხვა საუკუნის უძველესი ხელნაწერი წიგნები( მულაჟები), დაინტერესდნენ უძველესი ხელნაწერი წიგნების გაფორმებითა და მოხატულობით,განსაკუთრებული აღტაცება გამოიწვია ,,ვეფხისტყაოსნის" ხელნაწერმა. ასევე გარდა ხელნაწერი წიგნებისა ბავშვებმა იხილეს ერეკლე მეფის ხელნაწერი წერილი და ნახეს მეფის ხელმოწერაც. საინტერესო და ახლი ინფორმაციით დატვირთული მოსწავლეები წთაბეჭდილებებს უზიარებდნენ ერთმანეთს
,,ქართული ხელნაწერების თავგადასავალი“
19 აპრილს მე-8 კლასი ეწვია ხელნაწერთა ინსტიტუტს. მოსწავლეებმა გაიარეს მასალა ჭუმბურიძის წიგნიდან ,,ქართული ხელნაწერების თავგადასავალი“. ამასთან დაკავშირებით ქართულის მასწავლებელმა - აზა ქადარიამ - გადაწყვიტა, მათი ცოდნა ამ სფეროში უფრო გაეღრმავებინა და ამ მიზნით დაგეგმა ექსკურსია. მოსწავლეებმა დიდი სიამოვნება მიიღეს, მით უმეტეს, რომ ნახეს დოკუმენტური ფილმი ეტრატის დამზადებისა და ხელნაწერთა შექმნის ისტორიაზე, ასევე ,,ვეფხისტყაოსნის“ უძველეს გამოცემებზე.
"სახელოვანი წინაპრები“
2024 წლის 4 მარტს მე-6 კლასში ჩატარდა ინტეგრირებული გაკვეთილი თემაზე: სახელოვანი წინაპრები“. მოსწავლეებმა ისაუბრეს საქართველოს სახელოვან შვილებზე და გაიხსენეს სახელმძღვანელოს ამავე სახელწოდების თავიდან ნასწავლი მასალა. გაკვეთილის მიზანი გახლდათ მოსწავლეებში პრეზენტაციის უნარის განვითრება , დამოუკიდებლად მუშაობისა და საკუთარი აზრის ჩამოყალიბების ჩვევების გამომუშავე
,, ამბავი როსტევან არაბთა მეფისა“
2024 წლის 15 აპრილს ქართული ენისა და ლიტერატურის მასწავლებელმა - აზა ქადარიამ - ჩაატარა ღონისძიება: ,,ო, ენავ ჩემო...“. მონაწილეობდნენ მე-5 და მე-8 კლასის მოსწავლეები. მერვე კლასელებმა ისაუბრეს ქართული ენის დღის შემოღებასთან დაკავშირებულ მოვლენებზე, გაიხსენეს გამოჩენილ ადამიანთა გამონათქვამები ქართულ ენზე, წაიკითხეს ლექსი ,,ხმა კატამონთან“, ხოლო მე-5 კლასელებმა წარმოადგინეს სცენები შოთა რუსთაველის პოემა ,,ვეფხისტყაოსნის“ ერთ-ერთი თავიდან : ,, ამბავი როსტევან არაბთა მეფისა“.
საქართველოს თავდაცვის აკადემია
16 აპრილს, საქართველოს თავდაცვის აკადემიის წარმომადგენლება, VIII-XII კლასის მოსწავლეებთან საინფორმაციო ხასიათის შეხვედრა გამართეს. პრეზენტაციის ფარგლებში მოსწავლეებს გაანემარტათ თუ რა არის აკადემიის მისია, როგორ ხდება სტუდენტთა მიღება და სწავლის პროცესი.
,,ჩემი საქართველო“
მე-8 კლასში ჩატარდა 25 თებერვლისადმი მიძღვნილი დილა. მოსწავლეებმა ისაუბრეს ამ დღის ტრაგედიაზე, წაიკითხეს მ. მაჭავარიანის ლექსები და წარმოადგინეს საკუთარი ესეები თემაზე: ,,ჩემი საქართველო“. ღონისძიების მიზანი იყო მოსწავლეთა პატრიოტული აღზრდა და ამა თუ იმ ფაქტისადმი საკუთარი დამოკიდებულების არგუმენტირებულად ჩვენება.
ევროკავშირი საქართველოსთვის
2024 წლის 10 თებერვალს ჩატარდა ინტელექტუალური თამაში-"რა?სად? როდის?-ევროპის შესახებ", რომელშიც ქ.თბილისის სკოლებთან ერთად მონაწილეობა მიიღეს ჩვენი სკოლის მოსწავლეებმა. გუნდის კაპიტანი იყო მე-12 კლასის მოსწავლე გიორგი კუნჭულია, ხოლო გუნდის წევრები მე-10 კლასის მოსწავლეები:ნიკოლოზ კუნჭულია, თინათინ პაპუაშვილი, ლუკა ნაჭყებია, ლუკა ჯგერენაია და კახა ჭუმბურიძე. კონკურსის შედეგად გუნდმა დაიმსახურა მე-4 ადგილი და გადაეცათ სერტიფიკატები.
მათემატიკის დამხმარე სახელმძვანელო
ჩვენი სკოლის მათემატიკის მასწავლებლის ბატონ თამაზ ობგაძისა და მოსწავლე მანანა გიორბელიძის მიერ გამოიცა, "მათემატიკის დამატებითი საკითხები ნიჭიერი მოსწავლეებისათვის VII კლასი" .
თავისუფალი უნივერსიტეტი
25 ნოემბერს თავისუფალი უნივერსიტეტის საერთაშორისო ურთიერთობების სკოლისა და მომავალ დიპლომატთა კლუბის პროექტის, დიპლომატიის სკოლის მე-20 ნაკადში ჩვენი სკოლის მოსწავლებმა მიიღეს მონაწილეობა.
პროექტი 4 კვირის განმავლობაში მიმდინარეობდა და საერთაშორისო ურთიერთობებით, საერთაშორისო ეკონომიკით, პოლიტიკითა და დიპლომატიით დაინტერესებულ ახალგაზრდებს მისცა საშუალება, მიეღოთ თეორიული და პრაქტიკული ცოდნა ამ სფეროებში.
,,ბოშათა ცხოვრება მსოფლიოსა და საქართველოში“
ქართული ენისა და ლიტერატურის მასწავლებელმა - აზა ქადარიამ - მე-8 კლასში
ჩაატარა კომპლექსური გაკვეთილი ნ. დუმბაძის ,,ბოშებთან“დაკავშირებით.
მოსწავლეებმა წარმოადგინეს პრეზენტაცია თემაზე: ,,ბოშათა ცხოვრება მსოფლიოსა და
საქართველოში“. გაკვეთილი მიზნად ისახავდა ტოლერანტობის გრძნობის გაღვივებას,
პრეზენტაციისა თუ მეტყველების კულტურისა და აუდიტორიასთან კავშირის
დამყარების უნარ-ჩვევების განვითარებას.
პოეზიის საღამო
4 დეკემბერს მე-8კლასში ჩატარდა პოეზიის გაკვეთილი, რომელიც მიეძღვნა ნ. ბარათაშვილის დაბადების დღეს. გაკვეთილის მიზანი გახლდათ, ბავშვებს შეეცნოთ პოეზიის მადლი და სიძლიერე, მისი გავლენა ადამიანთა სულებზე. გამოყენებული იყო ნ. ბარათაშვილისა და ეკატერინე ჭავჭავაძის ცხოვრებისეული ეპიზოდების ამსახველი სიუჟეტები. ყოველივე ამან მოსწავლეებს უფრო შეაყვარა გამოჩენილი რომანტიკოსი.
პროექტი "უძველესი ცივილიზაციები"
ისტორიის მასწავლებლის თინათინ ბუსკივაძის ორგანიზებით მე-7 კლასის მოსწავლეებმა მოამზადეს პრეზენტაცია თემებზე: “ძველი ეგვიპტე” “შუმერები და ბაბილონი”. მოსწავლეებმა ისაუბრეს უძველესი ცივილიზაციების ჩამოყალიბებაზე და მათ განვითარებაზე, გაეცნენ მათ მიერ შექმნილ დამწერლობას, უძველესი ხალხის საქმიანობასა და მათ რწმენა-წარმოდგენებს.
"ჩემი საყვარელი ზღაპარი"
სკოლა "ალმასის" ინგლისური ენის პედაგოგმა ნინო არჩვაძემ მე-5 კლასში გააკეთა პროექტი "ჩემი საყვარელი ზღაპარი". ბავშვებმა თავიანთი საყვარელი ზღაპრები წარადგინეს პროექტის სახით ინგლისურ ენაზე. ამ პროექტის საშუალებით მათ გაიუმჯობესეს კითხვის უნარი და გაიმდიდრეს ლექსიკა.
3
"გრიგოლ ხანძთელის ღვაწლი"
სკოლა ალმასის მე-10 კლასის მოსწავლეებმა იმუშავეს პროექტზე "გრიგოლ ხანძთელის ღვაწლი". შეისწავლეს მისი და მისი მოწაფეების მიერ აშენებული ეკლესია-მონასტრები და მათ მიერ VIII-X საუკუნეებში აშენებული მონასტრების დღევანდელი ღირებულებები.
მოსწავლეებმა ინდივიდუალურად მოამზადეს პრეზენტაციები და თავად წარადგინეს აუდიტორიის წინაშე, იმსჯელეს ,,უდაბნოთა ქალაქმყოფელის", ,,ტალანტის გამრავლებაზე" და შეაფასეს გრიგოლ ხანძთელის შრომა დღევანდელი გადმოსახედიდან. შედეგმა ყოველგვარ მოლოდინს გადააჭარბა.
ჩვენი წარსული ისტორია!
დღეს, ჩვენი სკოლის მე-10 კლასის მოსწავლეებმა, წარმოადგინეს პრეზენტაციები- "I-II საუკუნეების მიჯნაზე ქართლისა და რომის სახელმწიფოებს შორის ურთიერთობა". იმსჯელეს, ფარსმან ავაზისა და ფარსმან ქველის დიპლომატიური ნაბიჯების შესახებ. ასევე, აღნიშნული ეპოქის შესახებ უყურეს დოკუმენტურ ფილმს.
მომხსენებლები: სესილი თანდილაშვილი, თეკლა კაპანაძე, თიკო პაპუაშვილი, დაჩი შანავა.
სტუმრად ეთნოგრაფიულ მუზეუმში!
კერძო სკოლა “ალმასის” პედაგოგების: თინათინ ბუსკივაძის და ნინო არჩვაძის ორგანიზებით 22 ნოემბერს ეთნოგრაფიულ მუზეუმს ესტუმრა მე-5 და მე-6 კლასები. მუზეუმი ღია ცის ქვეშ წარმოადგენს საქართველოს მინიატურულ მოდელს და ასახავს მის მრავალფეროვან ეთნიკურ კულტურას. მოსწავლეებმა დაათვალიერეს: ქართლის, კახეთის, იმერეთის, გურიის, სამეგრელოს და ოსეთის სახლები. ინტერესით გაეცვნენ ეთნოგრაფიული კულტურის ამსახველ ექსპონანტებს: საბრძოლო და შრომის იარაღებს, ქსოვილის ნიმუშებს, თიხის, ხისა და სპილენძის ჭურჭელს. სასიამოვნო და დასამახსოვრებელი დღე გამოვიდა ჩვენი პატარებისთვის.